كورس “الاحتياجات”
تعرفين شنو أصعب شي على المرأة؟
الصعب؟ إنچ تطلبين.، إنچ تعبرين ، إنچ تقولين: “أنا أحتاج"
لما تكونين محتاجة شي تحسين مو من حقچ تتكلمين وتطلبين تسكتين… تتجاهلين. وتقولين: “مو مشكلة… أتحمل.”
يمكن لانج تحسين إنچ بتكونين عبء… أو أحد ممكن يتركچ إذا عبرتي… أو يمكن حتى تحسين إنچ ما تستحقين من الأساس.
بس داخِلچ في صوت صغير يقول: “أنا بعد أبي أحد يفهمني… يحس فيني… يسمعني ”
كورس “الاحتياجات"
شنو راح تتعلمين بالكورس؟
راح تتعلمين انواع الاحتياجات المختلفه وتكتشفين احتياجاتج العاطفية .. مو كلنا نحتاج نفس الشي (كل شخصية لها احتياجاتها الخاصة)
شلون تقدرين تلبين احتياجج بنفسج بدون ماتعتمدين على الغير .. راح تبدين تغذين احتياجج بنفسچ… بشغف، بلطف، بحب. وتتعلمين توازنين بين الاعتماد على النفس والتلقّي من الغير.
راح تتعلمين طرق التعبير عن الاحتياجات بنفتح ملف الاحتياجات المكبوتة… وتكتشفين الاشياء اللي ما تتجرأين تعبرين عنها. وتتعلمين شلون تطلبينها بطريقة ناعمة، واضحة، وفعّالة…
راح تتعلمين شلون تفهمين احتياجات اللي حولج وشلون تسألينهم بطريقة تفتح قلوبهم بدال لا تسكرها.
راح تكتشفين اذا عندج تعلق أو إدمان على نوع معيّن من الاحتياجات وتتعلمين شلون تخلقين توازن صحي بين كل احتياجاتچ بدون ما تعتمدين على شي واحد يعبي الفراغ.
تدريبات عملية تعيد برمجة العقل الباطن حول الاستحقاق، الحب، والتلقّي.
هذا الكورس لج إذا كنتي
تحسين في شي ناقص بحياتج بس ماتعرفين شنو.
دايم تحطين الكل قبل نفسچ وتحسين بالخجل أو الذنب لما تطلبين شي ،تحسين إنچ دايم تعطين بس محد يعطيچ
تدرين شنو تبين… بس ما تعرفين تحصلينه او تطلبينه.
تبين تصيرين أقرب لنفسچ، وتعيشين علاقة صحّية، مشبعة، ومتوازنة
تبين تتعلمين شلون تتواصلين مع الناس وتقولينلهم شنو تحتاجين
تبين تفهمين الطرف الاخر وتعرفين شلون تكتشفين احتياجاته.
شنو راح تحسين بعد الكورس؟
راح تعرفين شتبين فعلاً، مو شنو متوقعين منج.
تتكلمين بثقة عن شنو تحتاجينه، بدون خجل، بدون خوف من الرفض.
فجأة الناس حوالينج يعرفون شلون يحبونج بالطريقة اللي تلمس قلبج.
ما تعيشين طول الوقت مجاملة، ما تكتمين، ما تتعبين من كثر ما تتنازلين.
هذا الكورس رحلة للداخل، تعيدچ لنفسچ
بتصيرين قريبة من روحج اكثر
بتبدين تسمعين قلبج.
بتوقفين تراضين الكل على حساب نفسج.
بتصيرين المرأة اللي تقول بثقة:
“أنا أستحق، واحتياجاتي مهمة.”
مستعدة تسمعين صوت قلبچ؟
جاهزة تقولين: “أنا أستحق”؟
وتعطين نفسچ اللي تحتاجه؟
[تعالي نبدي رحلتچ في كورس “الاحتياجات ”]
- عدد محدود من الأماكن متاحة
- سجلي الحين عشان تضمنين مكانج!
آراء المشتركين
عن
المدربة
سارة الانصاري
انا سارة الانصاري مرشدتج المخلصة في رحلة الحب أؤمن بأن الحب أعظم مغامرة ممكن تعيشينها في حياتج عشان جذي بكون معاج خطوة بخطوة
أنا هني عشان أسمعج، أفهمج وأدعمج بكل ما عندي كلنا نحتاج شخص يكون جنبنا ويساندنا ويرشدنا لما نحس بالضياع هدفي انج تحسين بالأمان والثقة في رحلتج
أحب أشوفج تتطورين، تكتشفين قوتج الداخلية وتعيشين اجمل نسخه من نفسج وتحققين السعادة اللي تستحقينها.
وبكون دوم معاج ، سواء في لحظات الفرح أو التحدي. بنعيش هذي الرحلة مع بعض، وأوعدج بتلقين الدعم اللي تستحقينه.
